Þjónustusamningur milli Hvalsnessóknar og KFUM og K Þann 28. janúar sl. var undirritaður samningur milli Hvalsnessóknar og KFUM og K um unglingastarf í sókninni.  Fór það af stað sl. mánudagskvöld.  Fundir verða á mánudagskvöldum kl. 20.00-22.00. 

Unglingadeildin er opin unglingum í 8.-10. bekk.  Á fundunum fléttast saman leikur, skemmtun, trúarpælingar ofl.  Síðustu helgina í febrúar verður farið í Vatnaskóg á Unglingalandsmót KFUM og K. 

Til að komast með þarf að mæta á þrjá fundi fyrir mót.  Á sama tíma var undirritaður samningur við Útskálasókn.  Töluverð hefð er fyrir KFUM og K starfi á suðurnesjum og má nefna að í Grindavík og Keflavík eru einnig starfandi unglingadeildir KFUM og K í samstarfi við kirkjurnar.